Rossiyaning Omsk viloyatida kazarma qulashi haqidagi ish bo‘yicha gumonlanuvchi qo‘lga olindi

Rossiya Tergov qo‘mitasi vakili Vladimir Markin Omsk viloyatidagi kazarma binosi qulashi haqidagi ish bo‘yicha birinchi gumonlanuvchi  qo‘lga olinganini ma’lum qildi, deb yozadi “Gazeta.ru”.

Muassasa vakili aniqlik kiritishicha, hibsga olingan odam — qulash ro‘y bergan havo-desant qo‘shinlari o‘quv markazining boshlig‘i.

“U tergovga harbiy xizmatchilarning kazarmaga ko‘chirib kirishi uchun ruxsat berganini aytib, sodir bo‘lgan fojiada o‘z aybi borligini qisman tan oldi”, — dedi Markin.

Eslatib o‘tamiz, avvalroq kazarma tomi qulashi natijasida 23 askar halok bo‘lgani, yana 19 nafari kasalxonaga yotqizilgani xabar berilgan edi.