AQSh milliy xavfsizlik agentligi Putinning yaqin kishilari doirasiga chiqish uchun Germaniya sobiq kansleri Gerxard Shrederni kuzatganligi to‘g‘risidagi ma’lumotlar Kreml uchun yangilik bo‘lmadi. Bu haqda Rossiya prezidentining matbuot kotibi Dmitriy Peskov ma’lum qilgan, deya xabar berdi “RBK” “TASS” ma’lumotlariga tayanib.
“Kuzatuv haqida ma’lum bo‘lganmidi?” — degan savolga Peskov: “Albatta”, — deya javob berdi.
Eslatib o‘tamiz, oldinroq nemis nashrlaridan biri bo‘lgan Bild Amerika maxsus xizmatlari Shreder ortidan u iste’foga chiqqanidan keyin ham kuzatishda davom etgani haqida xabar bergandi. Sobiq kansler 2005-yilda lavozimini tark etgan, 2006-yil martidan esa “Gazprom”ga qarashli Nord Stream AG kompaniyasi aksiyadorlari qo‘mitasi raisligini egallagandi.
Izoh (0)