Xitoy shimoli-sharqidagi Lyaonin provinsiyasi ma’muriyati Shimoliy Koreya bilan chegarada maxsus savdo hududi tashkil etishni ma’qulladi. Bu haqda ushbu mintaqa tashqi savdo boshqarmasining rasmiy bayonotida ma’lum qilindi, deya xabar beradi “TASS”.
40 ming kvadrat metrdan iborat “Gomenvan” hududi Dandun shahrida joylashadi. U shu yil oktabrida ish boshlashi kutilmoqda. Bayonotga ko‘ra, “Gomenvan” rezidentlari KXDR korxonalari bilan boj to‘lovisiz kuniga 8 ming yuangacha (1,3 ming dollar atrofida) savdo qilish huquqiga ega bo‘ladi.
Yalutszyan daryosi Shimoliy Koreyaning Siniyju shahridan ajratib turadigan Dandun Xitoy va KXDRning savdo-iqtisod, investitsiya va sayyohlik borasidagi hamkorligining asosiy markazi sanaladi.
Izoh (0)