2-aprel kuni olti tomonlama muzokaralar natijalariga ko‘ra Eron yadro dasturi bo‘yicha erishilgan bitim Isroilni xavf ostiga qo‘yadi. Bu haqda Isroil bosh vaziri Binyamin Netanyaxu bayonotiga tayanib, Meduza xabar berdi.
Isroil bosh vaziri so‘zlariga ko‘ra, ushbu bitim Eronni yadro quroli yaratishdan hech ham uzoqlashtirmaydi, balki unga yaqinlashtiradi, bu esa Yaqin Sharq mintaqasiga “dahshatli urush” xavfini soladi.
Muqobil yechim sifatida Netanyaxu maqbulroq bitim ishlab chiqilguniga qadar Tehronga bosimni kuchaytirishni taklif qildi.
Eslatib o‘tamiz, 2-aprel kuni Eron va xalqaro vositachilar “oltiligi” Eron yadro dasturi bo‘yicha siyosiy kelishuvga erishdi. Bitimni tayyorlash jarayoni 30-iyungacha yakunlanadi. AQSh Davlat departamenti bayonotida aytilishicha, Eron yadro dasturi ustidan nazorat turli yo‘nalishlar bo‘yicha 10 yildan 25 yilgacha davom etadi.
Izoh (0)