2015-yilda eng tez o‘suvchi iqtisodiyot Xitoyga tegishli bo‘ladi

Iqtisodchi ekspertlar fikricha, 2015-yilda iqtisodiy o‘sish bo‘yicha yetakchilar Osiyo va Afrika mamlakatlari bo‘ladi, deya xabar bermoqda “Newsru.com”.

2015-yilning eng tez o‘suvchi iqtisodiyoti Xitoyga tegishli bo‘ladi, uning iqtisodiy o‘sish ko‘rsatkichi 7 foizni tashkil etadi. Bu borada keyingi o‘rinlarni Filippin va Keniya egallaydi.

Shuningdek, Hindiston va Indoneziyaning yalpi ichki mahsuloti hajmi 5 foizga o‘sadi va ular ham yuqori beshlikka kiradi. Reytingning yuqori beshligidan joy olgan mamlakatlar dunyo YaIM o‘sishining 16 foizini ta’minlaydi.