Namangan viloyati Namangan tumani Qumqo‘rg‘on qishlog‘idagi madaniyat va aholi dam olish markazining yangi binosi foydalanishga topshirildi. Bu haqda O‘zbekiston Milliy axborot agentligi xabar bermoqda.
Markazning ochilish marosimida viloyat va tuman rahbarlari, keng jamoatchilik vakillari, talaba-yoshlar, ommaviy axborot vositalari xodimlari ishtirok etdi.
Sobiq madaniyat uyi negizida barpo etilgan markazda 465 million so‘mlikdan ziyod rekonstruksiya va jihozlash ishlari amalga oshirildi. Bu yerda xalq ijodiyotini rivojlantirish, professional va havaskor badiiy jamoalar, ayniqsa, yoshlarning ijod qilishi, aholining bo‘sh vaqtini mazmunli o‘tkazishi, madaniy hordiq chiqarishi uchun barcha sharoit yaratilgan. Konsert zali, milliy sozandalik va xonandalik to‘garaklari zarur jihoz va asboblar bilan ta’minlangan.
San’atkorlar, badiiy havaskorlik jamoalari tomonidan namoyish etilgan konsert dasturi tadbirga bayramona kayfiyat bag‘ishladi.
Izoh (0)