Bugun,

  • USD 11095.31
  • RUB 173.84
  • EUR 10772.44

Transfermarkt sayti o‘zbekistonlik futbolchilarning ham narxlarini e’lon qilgan. “Uff.uz” sayti “Furkat.uz”ga asoslanib eng qimmat o‘zbekistonlik futbolchilarning TOP-12 taligini taqdim etdi. Boisi ayna 12 nafar futbolchimiz 400 ming yevrodan yuqoriroq baholangan.

Foto: zimbio.com

Foto: zimbio.com

10-12. Abbos Mahstaliyev

  • Jamoasi: “Paxtakor”
  • Narxi: 400 ming yevro
  • Yoshi: 20
Umidli yosh yarim himoyachi sayt ijdokorlari tomonidan 400 ming yevroga baholangan. So‘nggi paytlarda Mahstaliyevning o‘yinlarida pasayish yuzaga kelgandek. Abbos o‘z ustida tinimsiz tarzda ishlab, terma jamoaning yetakchilari safidan o‘rin egallasa, uning narxi ancha balandalashiga hech qanday shubha yo‘q.

10-12. Vadim Ofonin

  • Jamoasi: “Gazovik” (Rossiya)
  • Narxi: 400 ming yevro
  • Yoshi: 27
Ofonin ham 400 ming yevroga baholangan. Vadim bugungi kunda Rossiya quyi divizioni vakili “Gazovik” safida to‘p surmoqda. Uni yaqin orada Rossiya Premer Ligasida harakat qiluvchi biror jamoada o‘ynashiga umid qilish qiyin. Biroq unda “Gazovik” safida o‘zini ko‘rsatib, terma jamoaga nomzod bo‘lish imkoni bor.

10-12. Artyom Filiposyan

  • Jamoasi: “Lokomotiv”
  • Narxi: 400 ming yevro
  • Yoshi: 27
Sayt ekspertlari Filiposyanni ham 400 ming yevroga baholashgan. Artyomning himoyachi ekanligini inobatga oladigan bo‘lsak, unga berilgan narx chakki emas. Biroq shaxsiy fikrimcha Islom To‘xtaxo‘jayev yoki Anzur Ismoilov unga qaraganda qimmatroq bo‘lsa kerak.

8-9. Jamshid Iskandarov

  • Jamoasi: “Paxtakor”
  • Narxi: 500 ming yevro
  • Yoshi: 21
“Paxtakor”ning yosh va umdili yarim himoyachisi Iskandarov 500 ming yevroga baholangan. Umuman olganda bu Jamshid uchun chegara emas va u yaqin kelajakda 5-6 million yevroga baholanishi mumkin. Buning uchun futbolchi albatta o‘z ustida tinimsiz ishlashi va katta mehnat qilishi lozim bo‘ladi.

8-9. Aziz Haydarov

  • Jamoasi: “Al Shabab” (BAA)
  • Narxi: 500 ming yevro
  • Yoshi: 29
Haydarov mana bir necha yildirki BAA milliy chempionatida ishonchli tarzda to‘p surmoqda. Azizda o‘z vaqtida Yevropa jamoalarida to‘p surish imkoniyati mavjud edi. Shunday bo‘lsa ham u Osiyo futbolida o‘z o‘rnini topib keta oldi. Uning 29 yoshda ekanligini inobatga olsak, bu narx Haydarov uchun yomon emas.

6-7. Nikolay Markov

  • Jamoasi: “Krasnodar” (Rossiya)
  • Narxi: 800 ming yevro
  • Yoshi: 29
Markov 800 ming yevroga baholangan. Uning buncha baland narxlanishiga “Krasnodar”dagi ajoyib o‘yinlari o‘yinlari sababdir. Kim biladi deysiz agar Nikolay terma jamoa safida ham to‘p surganida balki, bundan ham baland narxlangan bo‘larmidi.

6-7. Aleksandr Geynrix

  • Jamoasi: “Lokomotiv”
  • Narxi: 800 ming yevro
  • Yoshi: 30
30 yoshli Geynrix uchun 800 ming yevro to‘laydigan jamoa topilmasa kerak. Biroq sayt xodimlari unga shuncha narx belgilashgan. Afsuski Sasha terma jamoadagi o‘rnini yo‘qotdi va endigidan buyon uning narxi keskin tarzda pasayishi ehtimolligi ancha baland.

5. Sanjar Tursunov

  • Jamoasi: “Vorskla” (Ukraina)
  • Narxi: 900 ming yevro
  • Yoshi: 28
Tursunov mana bir necha yildirki Rossiya va Ukraina chempionatlarida nisbatan olganda yaxshi to‘p surmoqda. Shu bois ham Sanjar 900 ming yevroga baholangan. Tursunov Osiyo kubogida o‘zini ko‘rsata olsa, millionlik marrani ham zabt etishi mumkin.

4. Ignatiy Nesterov

  • Jamoasi: “Lokomotiv”
  • Narxi: 1 mln.yevro
  • Yoshi: 31
Nesterov bugungi kunda Osiyoning eng kuchli darvozabonlar beshligiga kiradi. Ignatiy 10 yildan oshiq vaqt mobaynida terma jamoaning asosiy darvozaboni bo‘lib kelmoqda. Shu bois ham unga 1 mln.yevrolik narx belgilangan. Umuman olganda 31 yoshli darvozabon uchun bu yaxshi narx.

3. Server Jeparov

  • Jamoasi: “Seongnam” (Janubiy Koreya)
  • Narxi: 1,3 mln yevro
  • Yoshi: 31
Osiyoning 2 karra eng yaxshi futbolchisi 1,3 mln yevroga baholangan. Tan olish lozimki so‘nggi 2−3 yilda Serverning ho‘yinlarida pasayish kuzatildi. Jeparovning narxi hattoki 4−5 mln yevroga ham ko‘tarilgandi. Agar u ham Osiyo kubogida ikkinchi yoshligini o‘tkaza olsa, narxi nisbatan ko‘tarilishi mumkin.

2. Vitaliy Denisov

  • Jamoasi: «Lokomotiv» (Rossiya)
  • Narxi: 5 mln.yevro
  • Yoshi: 27
“Lokomotiv”ning yetakchilaridan biriga aylangan Denisov 5 mln yevroga baholangan va bu real narx. Boisi Ispaniyaning “Vilyarreal” jamoasi Vitya uchun 5 mln yevro taklif qilgani haqida xabarlar tarqalgandi. Denisov OK−2015 da ajoyib o‘yinlarini namoyish eta olsa, ajab emaski uni kuchli beshlik jamoalari safida ko‘rib qolsak.

1. Odil Ahmedov

  • Jamoasi: “Krasnodar” (Rossiya)
  • Narxi: 6 mln yevro
  • Yoshi: 27
O‘zbekistonning eng qimmat futbolchisi deb Ahmedov e’tirof etilmoqda. Odil oxirgi 4 yil ichida Rossiya chempionatining eng kuchli futbolchilari qatorida tilga olinib keldi. Unga hattoki “Arsenal” qiziqayotganligi haqida xabarlar tarqaldi. Osiyo kubogi Ahmedov uchun kuchli beshlik chempionatlariga o‘tish uchun so‘nggi imkoniyat bo‘lishi mumkin. Umid qilamizki, yarim himoyachi Avstraliyada yorqin o‘yinlari bilan yanada kuchli jamoalarning e’tiborini o‘ziga qaratadi.

Yuqoridagi narxlar o‘yinchilarning so‘nggi 2−3 yildagi harakatlariga asoslanib belgilangan bo‘lsa ajab emas. Ochig‘i men ushbu ro‘yhatda Sardor Rashidov ham joy olishini kutgan edim. Sardor ham OK-2015 da o‘zini ko‘rsata olsa, eng qimmat futbolchilar o‘nligidan joy olishiga shubha yo‘q. Darvoqe, kuchli yigirmatalikdan joy olgan qolgan futbolchilar quyidagilar: Islom Inomov, Ilhom Suyunov, Islom To‘xtaxo‘jayev, Bahodir Nasimov, Lutfulla To‘rayev, Yegor Krimets, Akmal Shorahmedov va Diyor Turopov. Ular sayt ijodkorlari tomonidan 350 ming yevrodan baholanishgan.

Izoh
Asosiy yangiliklar
Dunyo
Alla Pugachyova, Yelena Zelenskaya va eronlik namoyishchilar BBC’ning eng nufuzli ayollar ro‘yxatiga kirdi
Mahalliy
O‘zbekistonda benzin narxlarini sun’iy oshirgan AYOQSHlarga tegishli chora ko‘rilishi ma’lum qilindi
Dunyo
Armanistonda 25 ming inson umriga zomin bo‘lgan zilzila, Yaponiyaning Perl-Harborga hujumi va Janubiy Koreya qamoqxonasida 40 yil o‘tirgan KXDR fuqarosi. Kun xrono...