2015-yil boshida uchta qismdan tashkil topadigan Puzzlephone smartfoni taqdim etiladi

Finlyandiyada uchta qismdan tashkil topadigan Puzzlephone smartfonini ishlab chiqarish startap loyihasi yo‘lga qo‘yildi. Bu haqda LookAtMe xabar berdi, deb yozadi “Parol” nashri.

Ushbu gadjet loyihasiga ko‘ra Google’ning Project Ara smartfonlariga raqib bo‘ladi. Puzzlephone smartfoni uchta — Spine (korpus), Heart (batareya) va Brain (protsessor) qismlaridan tashkil topadi. Uning Project Ara smartfonlaridan farqi kamroq qismlardan tashkil topishida bo‘ladi.

Puzzlephone smartfonlari keyingi yilning boshida taqdim etilishi va taxminan 50 dollardan sotilishi kutilmoqda. Bu smartfon Android operatsion tizimida ishlaydigan bo‘ladi.

Google’ning ilk ishlaydigan Project Ara smartfonlari esa kuzda taqdim etilgan edi. Project Ara loyihasi aslida Motorola kompaniyasi tomonidan ishlab chiqilgan bo‘lib, Google ushbu kompaniyani sotib olib, keyin Lenovo’ga sotib yuborganidan so‘ng, Motorola’ning faqatgina shu loyihasini rivojlantirishda davom etmoqda.

Shuningdek, “Parol” nashrida quyidagi maqolalarni ham o‘qishingiz mumkin:

• O‘n ikkita foydali sayt;
• Uznetda Google Play’ning Tas-IX tarmog‘idan o‘rin egallagan uchta nusxasi topildi.