Финляндияда учта қисмдан ташкил топадиган Puzzlephone смартфонини ишлаб чиқариш стартап лойиҳаси йўлга қўйилди. Бу ҳақда LookAtMe хабар берди, деб ёзади «Пароль» нашри.
Ушбу гаджет лойиҳасига кўра Google’нинг Project Ara смартфонларига рақиб бўлади. Puzzlephone смартфони учта — Spine (корпус), Heart (батарея) ва Brain (процессор) қисмларидан ташкил топади. Унинг Project Ara смартфонларидан фарқи камроқ қисмлардан ташкил топишида бўлади.
Puzzlephone смартфонлари кейинги йилнинг бошида тақдим этилиши ва тахминан 50 доллардан сотилиши кутилмоқда. Бу смартфон Android операцион тизимида ишлайдиган бўлади.
Google’нинг илк ишлайдиган Project Ara смартфонлари эса кузда тақдим этилган эди. Project Ara лойиҳаси аслида Motorola компанияси томонидан ишлаб чиқилган бўлиб, Google ушбу компанияни сотиб олиб, кейин Lenovo’га сотиб юборганидан сўнг, Motorola’нинг фақатгина шу лойиҳасини ривожлантиришда давом этмоқда.