Bugun,

  • USD 11095.31
  • RUB 173.84
  • EUR 10772.44

Braziliyaning mashhur “Marakana” stadionida Argentina bilan Bosniya va Gersegovina jamoalari o‘zaro bahs olib borishdi. Unda Argentina 2:1 hisobida Bosniya va Gersegovina ustidan g‘alaba qozondi, deya xabar beradi “Olamsport”.

Foto: olamsport.com

Foto: olamsport.com

Uchrashuv Argentinaning tezkor hujumi bilan boshlandi. Argentina raqib jarima maydonchasi oldida o‘zi uchun jarima zarbasi ishlab oldi. Messining jarimadan uzatib bergan to‘piga Roxo boshi bilan zarba berdi va to‘p yo‘l-yo‘lakay Kolashinatsning oyog‘iga tegib, kutilmaganda darvozadan joy oldi, 1:0.

Ikkinchi bo‘limda vaziyat tamomila o‘zgardi. Alexandro Sabella tanaffusdan so‘ng birdan ikkita o‘zgarishni amalga oshirdi. Himoyachi Kampanyaro o‘rniga Gago va yarim himoyada harakat qilgan Maksi Rodrigez o‘rniga hujumchi Iguainlar maydonga tashlandi. Bu esa jamoa o‘yiniga o‘zgartirish olib kira oldi. Argentina ikkinchi bo‘limni birinchisiga nisbatan ancha hujumkor o‘tkazdi. Messining faol harakatlarini ko‘p marotaba raqib himoyachilari “o‘qiy” olishayotgandi. Lekin uchrashuvning 65-daqiqasiga kelib, Iguain bilan “devor” uslubida kombinatsiya qilgan Messi o‘zining kuchli va aniq zarbasi bilan Begovich darvozasini ishg‘ol eta oldi — 2:0!

Lekin Bosniya va Gersegovina jamoasi bu goldan keyin ham taqdirga tan bermay oldinga intilishda davom etishdi. Zaxiradan maydonga tushirilgan Vedad Ibishevich o‘yinning 84-daqiqasida Romeroning oyoqlari orasidagi to‘pni darvozaga joylab qo‘ydi, 2:1. Qolgan daqiqalar mobaynida bosniyaliklar xavfli vaziyatlar yarata olishmadi.

Shunday qilib, Argentina musobaqani g‘alaba bilan boshladi. Bosniya va Gersegovina esa o‘zining ilk o‘yinida mag‘lubiyatni tan olishiga to‘g‘ri keldi.

JCh-2014. “F” guruhi, 1-tur.

Argentina — Bosniya va Gersegovina 2:1

16-iyun. 03:00

Gollar: Kolashinats (3, o‘z darvozasiga), Messi (65), Ibishevich (84)

Bosh hakam: Joyel Aguilar (Salvador)

Yordamchi hakamlar: Villiam Torres (Salvador), Juan Zumba (Salvador)

Zaxira hakami: Jamol Haimudi (Jazoir)

Argentina: Romero, Garay, Kampanyaro (Gago, 46), Sabaleta, Di Mariya, Messi, Rodrigez (Iguain, 46), Maskerano, Roxo, Fernandez, Aguero (Biglia, 87).

Bosniya va Gersegovina: Begovich, Bichakchich, Spaxich, Kolashinats, Besich, Pyanich, Misimovich (Medunyanin, 74), Jeko, Mujya (Ibishevich, 69), Lulich, Xayrovich (Viska, 71).

Ogohlantirishlar: Roxo (25), Spaxich (63)

Izoh
Asosiy yangiliklar
Iqtisodiyot
Korrupsiya darajasi, iqtisodiy erkinlik indeksi: O‘zbekistonning xalqaro reytinglardagi o‘rni qanday o‘zgarmoqda?
Dunyo
AQSH Yelsinning Ukraina haqidagi bayonotini maxfiylikdan chiqardi
Iqtisodiyot
O‘zbekistonda frilanserlik: ular qancha maosh oladi va nega ko‘paymoqda?