“Katta yettilik” Rossiyani Ukraina bo‘yicha yangi sanksiyalar haqida ogohlantirdi

“Katta yettilik” yetakchilari Rossiya Ukrainadagi nizolarni to‘xtatish yo‘lidan bormasa, unga sanksiyalar kiritish bilan tahdid qilmoqda. Bu haqda Euronews xabar berdi.

Bryusseldagi “Katta yettilik” sammitida G‘arbda ta’kidlanayotganidek, Rossiya Ukraina sharqiga qurol-yarog‘lar yetkazib berishni to‘xtatmasa, uni jazolashga kelishib olishdi.

Germaniya Kansleri Angela Merkel zudlik bilan yechim topishi kerak bo‘lgan savollar bo‘yicha Rossiya bilan kelishuvga erishilmasa, zaxiradagi sanksiyalar uchinchi bosqichini ishga solish haqida qat’iy bayonot berdi. “Biz Ukrainada vaziyatning yanada beqarorlashuviga yo‘l qo‘ymaymiz”, — dedi u.