Samarqandda Yevropa kinosi kunlari boshlandi

4-iyun kuni Samarqand shahridagi “Sharq Yulduzi” kinoteatrida Yevropa kino festivalining ochilish marosimi bo‘lib o‘tdi, deb xabar berdi O‘zbekkino milliy agentligi.

Samarqandda ilk marta o‘tkazilayotgan festivalga tashrif buyurgan keng jamoatchilik, talaba yoshlar va bir qancha milliy madaniy markazlar faollarini Ruminiyaning O‘zbekistondagi elchisi Romeo Stanchu va Samarqand shahri o‘rinbosari Jamshed O‘roqov qutladi.

Yevropa kino festivali taniqli rumin kinorejssyori Naye Karanfilning “Bundan bu yog‘i sukunat” filmi bilan ochildi.

Eslatib o‘tamiz, 8-iyun kuni nihoyasiga yetadigan ushbu festival yana ikki shahar: Toshkent va Buxoroda ham bo‘lib o‘tmoqda.