4 июнь куни Самарқанд шаҳридаги «Шарқ Юлдузи» кинотеатрида Европа кино фестивалининг очилиш маросими бўлиб ўтди, деб хабар берди Ўзбеккино миллий агентлиги.
Самарқандда илк марта ўтказилаётган фестивалга ташриф буюрган кенг жамоатчилик, талаба ёшлар ва бир қанча миллий маданий марказлар фаолларини Руминиянинг Ўзбекистондаги элчиси Ромео Станчу ва Самарқанд шаҳри ўринбосари Жамшед Ўроқов қутлади.
Европа кино фестивали таниқли румин кинорежссёри Нае Каранфилнинг «Бундан бу ёғи сукунат» фильми билан очилди.
Эслатиб ўтамиз, 8 июнь куни ниҳоясига етадиган ушбу фестивал яна икки шаҳар: Тошкент ва Бухорода ҳам бўлиб ўтмоқда.