67-Kann kinofestivalining “oltin palma novdasi” turkiyalik rejissor Nuri Bilge Jeylanga nasib qildi. Uning “Qishki uyqu” (Winter’s Sleep) filmi hakamlar tomonidan yuqori baholandi. Bu haqda “RIA Novosti” xabar berdi.
Festival gran-prisi esa italiyalik rejissor Aliche Rorvaxerga uning “Mo‘jiza” kartinasi uchun topshirildi.
Rossiyalik rejissor Andrey Zvyagensevning “Leviafan” kartinasi eng yaxshi ssenariy uchun mukofot olgan bo‘lsa, “Tulki ovchisi” filmi uchun amerikalik Bennet Miller eng yaxshi rejissor deb e’tirof etildi.
Julianna Mur (“Yulduzlar xaritasi”) va Timoti Spoll (“Mister Tyorner”) aktyorlar orasida eng yaxshilari deb tan olingan bo‘lsa, Party Girl filmi (Fransiya) tanlovdan tashqari dasturda “Oltin kamera” mukofotiga ega bo‘ldi.
Izoh (0)