Ўзбекистонда олтин қуймалари нархи яна тарихий максимумни қайд этди. Марказий банк маълумотларига кўра, бир грамм олтиннинг нархи 2 007 200 сўмни ташкил этди.
2026 йил 12 январь куни 5 граммли олтин қуйма нархи биринчи марта 9 миллион сўмдан ошганди. 26 январда 5 граммли олтин қуйма нархи биринчи марта 10 миллион сўмдан кўтарилди.
Олтин қуймалар нархи қуйидагича белгиланди:
- 5 грамм — 10 млн 036 минг сўм;
- 10 грамм — 20 млн 073 минг сўм;
- 20 грамм — 40 млн 146 минг сўм;
- 50 грамм — 100 млн 364 минг сўм;
- 100 грамм — 200 млн 728 минг сўм.
Халқаро қимматбаҳо металлар бозори конюнктурасидан келиб чиқиб, Марказий банк томонидан нархлар кун давомида қайта кўриб чиқилиши мумкин.
Жаҳон бозорида олтин нархи илк бор бир унцияси учун 5 минг доллардан ошди. Қимматбаҳо металл 2025-йилда 60 фоиздан кўпроққа қимматлашганди ва бу тарихий ўсиш жараёни давом этмоқда.
