Eronning yuqori darajali qo‘mondonlari Isroil hujumlarga javob qaytarsa, mamlakat kattaroq hujumga duchor bo‘lishidan ogohlantirdi va Vashington hech qanday harbiy harakatni qo‘llab-quvvatlamasligi kerakligini qo‘shimcha qildi. Bu haqda Reuters xabar berdi.
Agar Isroil Eronga qarshi javob qaytarsa, bizning javobimiz bugun tungi harbiy harakatlardan ko‘ra kattaroq bo‘ladi,— dedi qurolli kuchlar bosh shtab boshlig‘i general-mayor Muhammad Bagiriy.
Shuningdek, Bagiriy Isroilning qarshi javobi AQSH bazalari nishonga olinishiga sabab bo‘lishi haqida Vashingtonni ogohlantirgan.
Islom inqilobi qo‘riqchilari korpusi qo‘mondoni Husayn Salamiy ham Tehron Isroilning o‘z manfaatlari, rasmiylari yoki fuqarolariga qarshi har qanday hujumiga javob qaytarishi haqida ogohlantirgan.
Eron hujumidan so‘ng, Isroil deyarli zarar ko‘rmagani va havo hududini qayta ochganligi haqida xabar bergan, Qo‘shma Shtatlar yirik davlatlar bilan diplomatik javob choralarini muhokama qilishini aytgan.
Isroil bosh vaziri Binyamin Netanyaxu, harbiylar Eron tomonidan Yaqin Sharqdagi mojaroning keskin kuchayishi natijasida uchirilgan deyarli barcha 300 dan ortiq dron va raketalarni urib tushirganini aytganidan so‘ng, mamlakati g‘alaba qozonishga va’da bergan.
Isroil rasmiylari mamlakat armiyasi Eron dronlari va raketalarining 99 foizdan ortig‘ini urib tushirganini va keyingi variantlarni muhokama qilayotganini aytgan.
Izoh (0)