CNN: Bayden Eronning Isroilga hujumi muvaffaqiyatsiz bo‘lganiga ishonadi

AQSH prezidenti Jo Bayden Isroil bosh vaziri Benyamin Netanyaxu bilan telefon orqali suhbatda Isroil kechagi tunni o‘zining “g‘alabasi” deb hisoblashi kerakligini aytdi. Bu haqda AQSH ma’muriyati axborortiga tayanib, CNN xabar berdi.

Bayden Eronning deyarli barcha zarbalari qaytarilganiga ishonmoqda.

Isroil bugungi oqshomni g‘alaba deb hisoblashi kerak, chunki AQSHning hozirgi bahosiga ko‘ra, Eronning hujumlari ko‘p jihatdan muvaffaqiyatsiz bo‘lgan va Isroilning yuqori harbiy salohiyatini namoyish etgan, — deya CNN Bayden nutqidan iqtibos keltirgan.

Bungacha Bayden Eronning Isroil hududiga hujumlarini keskin qoralagan va uning ko‘rsatmasi bilan o‘tgan hafta AQSH harbiylari ittifoqchi mudofaasini qo‘llab-quvvatlash uchun mintaqaga samolyot va esminetlarni joylashtirganini tan olgan edi. Prezident, shuningdek, Eron hujumiga birgalikda diplomatik javob berishni muvofiqlashtirish uchun 14-aprel kuni G7 yetakchilarini chaqirishga va’da bergan.

Avvalroq Qo‘shma Shtatlar ittifoqchilar bilan Isroilning Eron zarbalariga javob choralarini muvofiqlashtirishni ma’lum qilgandi.