O‘zbekistonda Yandex Music yosh iste’dodlar va mamlakat musiqa sanoatini qo‘llab-quvvatlovchi UCHQUN keng qamrovli tashabbusini rivojlantirishda davom ettirmoqda. Loyiha endigina faoliyat boshlagan ijodkorlarga o‘z tinglovchilarini topishga, ularning qo‘shiqlarini mahalliy va xalqaro miqyosda targ‘ib qilishga ko‘maklashadi. “Mening to‘lqinim” tavsiyalar tizimi sun’iy intellekt texnologiyalariga asoslangan bo‘lib, tinglovchilarni yangi ijodkorlar bilan tanishtiradi. Eng sara asarlar esa media ko‘makka ega bo‘ladi va chartlarda ilgari suriladi.
Loyihaning ikkinchi bosqichi doirasida mahalliy ijrochilar ishtirokida yangi pleylist taqdim etildi. U turli uslublar va madaniy ta’sirlarni aks ettirib, yagona maqsadni – O‘zbekiston musiqiy sahnasining rang-barangligini namoyish etishni o‘zida mujassam etadi.
Ikkinchi bosqichning asosiy qahramoni SHERI - yosh muallif va ijrochi, arxitektura universiteti bitiruvchisi bo‘lib, hozirda muhandislik kasbini musiqiy faoliyati bilan uyg‘unlashtirib kelmoqda. U musiqa bilan pandemiya davrida qiziqishini boshladi va so‘nggi yillarda turli tajribalardan to o‘z qo‘shiqlarini yaratishgacha bo‘lgan yo‘lni bosib o‘tdi. 2024-yilda SHERI mualliflik qo‘shiqlarini yozishni boshladi va bugungi kunda uning ijodi Yandex Music’da 140 mingdan ortiq tinglovchilarga manzur bo‘lmoqda.
Shuningdek, UCHQUNning ikkinchi bosqichida NASIM va KARNAIN, Umida va Nizamo.S, Minor Live, Bofa hamda Khammi kabi san’atkorlar ham ishtirok etdi. Ushbu san’atkorlarning o‘ziga xos yo‘li va uslubi bo‘lib, har bir qo‘shiq ortida shaxsiy hayotiy tajriba, madaniy ildizlar va O‘zbekistonning ijodga ta’siri mujassam. NASIM va KARNAIN Creative Blood ijodiy birlashmasining a’zolari sifatida rus va o‘zbek tilidagi repni uyg‘unlashtirgan "Baxtli bo‘lsin" qo‘shig‘i bilan e’tiborni tortdi. Umida Nizamo.S bilan hamkorlikda yaratgan "Yonimda qol" megaxiti top-chartlardan tushmasdan kelmoqda. Minor Live loyihasi xonanda Akmal bilan "Maryam" qo‘shig‘ini taqdim etdi. Bofa "Retsept" nomli yakkaxon qo‘shig‘i bilan o‘z faoliyatini boshladi va Konsta bilan hamkorlikdagi fitlar orqali keng tomoshabinlar e’tiborini qozondi. Rep ijrochisi Khammining "Tong 2" qo‘shig‘i bir hafta ichida 60 ming marta tinglandi, keyingi "Kechalar" singli esa uning muvaffaqiyatini yanada mustahkamladi.
Loyihaning taqdimoti jonli fleshmob va interaktiv formatlar bilan birga o‘tkazilmoqda. Bu formatlar ilgari yirik chiqishlar va ijrolar orqali amalga oshirilgan loyiha tarixini davom ettiradi. Ular tinglovchilarga san’atkorlar va ularning ijodiy olami bilan yaqindan tanishish imkonini beradi. Musiqa sahna doirasidan chiqib, kundalik hayotning bir qismiga aylanadi va har bir kishiga o‘zini UCHQUNning bir bo‘lagi sifatida his qilish imkonini beradi. Bundan tashqari, tinglovchilar Telegram-bot orqali UCHQUN uslubida o‘z muqovalarini yaratish va loyiha muhitini o‘zlarida sinab ko‘rib loyihaga chuqurroq kirib borishlari va o‘zlarini san’atkor sifatida his qilishlari mumkin.
Ikkinchi taqdimot shuni ko‘rsatmoqdaki, UCHQUN nafaqat namoyishlar turkumi sifatida, balki har bir san’atkorning tarixini yoritish maydoni sifatida ham rivojlanmoqda. Unda O‘zbekiston madaniyati va musiqachining shaxsiy yo‘li ijodning ajralmas qismiga aylanib bormoqda. Oldinda mahalliy iste’dodlar uchun yangi nomlar, formatlar va imkoniyatlar kutmoqda. Ularning har biri tinglovchilar e’tiborini jalb qilish va o‘zini namoyon etish imkoniyatiga ega bo‘ladi. Yandex Music’da UCHQUN pleylistini tinglang va o‘zbek sahnasining yangi hikoyalari hamda qo‘shiqlarini o‘zingiz uchun kashf eting.
Izoh (0)