“Яллама” чегара божхона постида 525 миллион сўмлик ноқонуний авто эҳтиёт қисмлар тўхтатиб қолинди. Бу ҳақда Тошкент вилояти божхона бошқармаси матбуот хизмати хабар берди.
Қайд этилишича, Тошкент вилояти божхона бошқармаси “Яллама” чегара божхона пости орқали Ўзбекистонда фаолият олиб бораётган масъулияти чекланган жамиятининг номига олиб келинган товарлар билан юкланган автотранспорт воситаси божхона кўригидан ўтказилган.
Натижада юк-кузатув ҳужжатларида кўрсатилмаган, қиймати 525 миллион сўм бўлган 31 номдаги авто эҳтиёт қисмлар товарлари борлиги аниқланган.
Ҳозирда ҳолат юзасидан текширув ҳаракатлари олиб борилмоқда.
- Аввалроқ “Яллама” постида 830 млн сўмлик LED чироқларнинг мамлакатга ноқонуний олиб кирилишига чек қўйилгани тўғрисида хабар берилганди.
- Шунингдек, Бухорода 15,5 млрд сўмлик пестицидларнинг мамлакатга ноқонуний олиб кирилишининг олди олинган эди.
Изоҳ (0)