“Yallama” chegara bojxona postida 525 million so‘mlik noqonuniy avto ehtiyot qismlar to‘xtatib qolindi. Bu haqda Toshkent viloyati bojxona boshqarmasi matbuot xizmati xabar berdi.
Qayd etilishicha, Toshkent viloyati bojxona boshqarmasi “Yallama” chegara bojxona posti orqali O‘zbekistonda faoliyat olib borayotgan masʼuliyati cheklangan jamiyatining nomiga olib kelingan tovarlar bilan yuklangan avtotransport vositasi bojxona ko‘rigidan o‘tkazilgan.
Natijada yuk-kuzatuv hujjatlarida ko‘rsatilmagan, qiymati 525 million so‘m bo‘lgan 31 nomdagi avto ehtiyot qismlar tovarlari borligi aniqlangan.
Hozirda holat yuzasidan tekshiruv harakatlari olib borilmoqda.
- Avvalroq “Yallama” postida 830 mln so‘mlik LED chiroqlarning mamlakatga noqonuniy olib kirilishiga chek qo‘yilgani to‘g‘risida xabar berilgandi.
- Shuningdek, Buxoroda 15,5 mlrd so‘mlik pestitsidlarning mamlakatga noqonuniy olib kirilishining oldi olingan edi.
Izoh (0)