Франциянинг Изер департаментидаги Вилнев-де-Марк коммунаси мери Жил Дюссо пичоқ билан қуролланган жиноятчининг ҳужумидан сўнг оғир аҳволда касалхонага ётқизилди. Бу ҳақда Le Parisien газетаси хабар бермоқда.
Ҳодиса 6 август куни 63 ёшли Дюссо 28 ёшли ўғли билан Гренобл ҳамда Лион оралиғида жойлашган, аҳолиси 1,2 минг кишидан кам бўлган қишлоқ кўчаларида сайр қилишаётганда юз берган. Маҳаллий вақт билан соат 17:00 атрофида амалдорга номаълум шахс ҳужум қилди.
Тергов маълумотларига кўра, номаълум шахс “мерга совуқ қурол билан ҳужум қилиб”, унинг “кўкрагига уч марта зарба берган”. Жиноятчи воқеа жойидан қочиб кетган, кейин эса машинада қайтиб келиб, “мер ва унинг ўғлини босиб кетишга” уринган.
Таъкидланишича, иккови ҳам четроққа чиқишга улгурган ва машина охир-оқибат деворга бориб урилган. Шундан сўнг, гумонланувчи мернинг ўғлини уриб, пиёда қочиб кетган.
Аниқланишича, ҳужумдан сўнг амалдор оғир аҳволда Лиондаги Эдуар Эррио номидаги шифохонага етказилган.
Франция президенти Эммануэл Макрон ҳужумга муносабат билдириб, “ушбу жиноий ҳаракат айбдорини топиш ва жазолаш учун” барча чоралар кўрилаётганини айтган.
4август куни Ҳиндистонда армия амалдори Ритеш Кумар Сингх ортиқча юк учун тўловдан бош тортиб, аэропортнинг тўрт нафар ходимига ҳужум қилганди. Натижада ходимлардан бирининг умуртқа поғонаси синиб, жағ суяги жиддий шикастланди. Яна бир жабрланувчининг юзига оёқ билан берилган зарбадан бурни ва оғзидан қон оқа бошлади.
Изоҳ (0)