Божхона қўмитаси раиси Акмалхўжа Мавлонов 17 февраль куни Енгил атлетика федерацияси раиси этиб сайланди. Бу ҳақда федерация матбуот хизмати хабар берди.
Божхона қўмитасининг маълум қилишича, шу муносабат билан ташкил қилинган йиғилишда федерация раисининг ўринбосарлари ва бош котиби ҳам сайланди. Ташкилотнинг янги таҳрирдаги устави қабул қилинди.
Енгил атлетика спорт турларида эришилган ютуқлар билан кифояланмасдан, республикада уни янада оммалаштириш ҳамда бу борада мавжуд имкониятлардан тўлиқ фойдаланиш истиқболлари ҳам атрофлича муҳокама қилинди.
2025 йил январида бош прокурор Ниғматилла Йўлдошев Ўзбекистон спорт курашлари ассосиацияси раиси этиб сайланганди. Қурилиш ва уй-жой коммунал хўжалиги вазири Шерзод Ҳидоятов Ўзбекистон оғир атлетика федерациясига раис бўлди.
Изоҳ (0)