Тошкентнинг Сергели туманида омборда ёнғин содир бўлди. Бу ҳақда ФВВ матбуот хизмати хабар берди.
Маълум қилинишича, 14 май куни соат 11:03 да Нилуфар кўчасидаги омборхонада ёнғин бўлаётгани тўғрисида мурожаат келиб тушган. Соат 11:05 да 12 та ёнғин-қутқарув экипажлари етиб борган. Ёнғин соат 12:15 да қуршаб олинган ва соат 13:31 да батамом ўчирилди.
Воқеа жойига фавқулодда вазиятлар вазири Ботир Қудратхўжаев ва вазирнинг биринчи ўринбосари Санжар Зупаров ҳам етиб борган.
Ҳодиса оқибатида тан жароҳати олганлар тўғрисида маълумот келиб тушмаган. Айни пайтда ёнғинни келтириб чиқарган сабаблар ҳамда етказилган зарар миқдори аниқланмоқда.
Изоҳ (0)