Коррупцияга қарши курашиш агентлиги ваколатли орган сифатида манфаатлар тўқнашувига йўл қўйилганлик ҳолати кузатилса, шартномани суд орқали бекор қилиши мумкин. Бу ҳақда “Манфаатлар тўқнашуви тўғрисида”ги қонунига бағишланган матбуот анжуманида Коррупцияга қарши курашиш агентлиги директори Акмал Бурхонов айтиб ўтди, дея хабар бермоқда “Дарё” мухбири.
Бизнинг қўлимизда қуролимиз бор. Агентликка шундай ваколат бериляптики, шартнома имзоланганидан кейин ҳам суд орқали бекор қилишимиз мумкин. Бунда етказилган зарарни давлат тўлаб бермайди. Масалан, тадбиркорга пулни қайтариш керак, дейлик. Эндиликда ким ўша харидни амалга оширган бўлса, яъни қайси мансабдор шахс жавобгар тараф бўлса зарарни ўзи тўлаб беради.
Бу ерда давлат ютқазмайди. Ким қонун бузилишига йўл қўйган бўлса, ўша одамнинг чўнтагидан пулни тўлатиб, етказилган зарарни қоплаб берилиши назарда тутилган, —деди Коррупцияга қарши курашиш агентлиги директори.
Унинг алоҳида таъкидлашича, агар йўл харитасида кўрсатилган ишлар тўлақонли амалга оширилса, қонун 100 фоиз ишлаб кетади.
Аввалроқ давлат органларидаги манфаатлар тўқнашуви ҳолатлари бош вазир назоратида бўлиши айтилган эди.
Изоҳ (0)