1972 йилда учирилган “Космос-482” космик аппарати орбитадан чиқиб, Ҳинд океанига қулади. Бу ҳақда “Роскосмос” хабар берди.
“Қурилманинг океанга қулаши Ерга яқин фазодаги хавфли вазиятлардан огоҳлантиришнинг автоматлаштирилган тизими томонидан бошқарилган”, дейилади хабарда.
Мутахассисларнинг ҳисоб-китобларига кўра, қурилма Тошкент вақти билан соат 11:24 да Ўрта Андаман оролидан 560 км ғарбда атмосферанинг зич қатламларига кириб, Жакарта ғарбидаги Ҳинд океанига қулаган.
Коинот кемаси 1972 йил баҳорида Венерани ўрганиш учун учирилган, бироқ кучайтирувчи блокдаги носозлик туфайли у Ернинг юқори эллиптик орбитасида қолиб, аста-секин сайёрага яқинлашган.
Аввалроқ “Ўзкосмос” мутахассиси интернетда қурилма Марказий Осиё ҳудудига тушиши мумкинлиги ҳақидаги хабарларга изоҳ берган эди. Унинг хабар беришича, унинг Ўзбекистон ҳудудига тушиши эҳтимоли 0,3-0,5 фоизни ташкил этган.
Изоҳ (0)