Мажбурий ижро бюроси Наманган вилояти бошқармаси қидирув шўбаси ходимлари томонидан тезкор тадбирлар олиб борилмоқда. Бу ҳақда Мажбурий ижро бюроси матбуот хизмати хабар берди.
Аниқланишича, суднинг қарорига кўра даъвогар АТБ Kapitalbank фойдасига жавобгар Д.М.дан кредит ва унинг фоизларидан 306 млн сўм ундириш белгиланган.
Бюронинг Чортоқ туман бўлими томонидан олиб борилган ижро ҳаракатлари даврида қарздор фуқарога ихтиёрий муддатда суд қарорида кўрсатилган маблағни тўлаб қўйиш юзасидан огоҳлантирилган.
Бироқ қарздор мажбуриятни бажармаган. Шундан сўнг мажбурий ижро ҳаракатларига киришилган. Тезкор маълумотларга кўра, қарздорга тегишли хорижда ишлаб чиқарилган автотранспорт борлиги аниқланган.
Лекин Д.М. қарзини тўламасдан, автомашинада ҳаракатланишни давом эттирган.
Олиб борилган тадбир давомида Kia русумли машина топилиб, жарима майдончасига жойлаштирилди.
Изоҳ (0)