Ўзбекистонлик боксчи Руслан Абдуллаев 20 апрель, якшанба тонггида профессионал боксдаги иккинчи жангини ўтказиб, ғалаба қозонди.
АҚШда “Golden Boy” промоутерлик компанияси томонидан ташкил этилган бокс оқшомида Абдуллаев филиппинлик Жино Родригога қарши рингга кўтарилди. Тўлиқ 8 раундлик жанг асосан ўзбекистонлик спортчининг ташаббуси остида ўтди.
Тўлиқ давом этган баҳсда ҳакамлар бир овоздан 80-71 ҳисобида Русланнинг ғалабасини эълон қилишди. Шу тариқа у WBA супер енгил вазн тоифасида “Continental Americas Gold” камарини қўлга киритди.
Эслатиб ўтамиз, Абдуллаев март ойида профессионал боксда дебют жангини мексикалик Хосе Валензуела Алварадога қарши ўтказган ва нокаут эвазига ғалаба қозонганди.
Родриго эса шу кунгача проф боксда 19 та жанг ўтказиб, уларнинг 13 тасида ғалабага эришган. 4 та жангда мағлуб бўлган, 2 та жангда эса дуранг қайд этганди.
Изоҳ (0)