Walt Disney студиясининг YouTube каналида “Муфаса: Қирол шер” фильмининг биринчи тизер-трейлери жойланди. Бу ҳақда “Правила жизни” нашри хабар берди.
“Қирол шер” мультфильмининг приквелида Симбанинг отаси — Муфаса ҳақида ҳикоя қилинади. Фильмда Рафики исмли мандрилл маймуни Муфаса ҳақида нутқ сўзлайди, вақти-вақти билан унинг ҳикоясини бўлган Тимон ва Пумба ўз ҳазиллари билан лирик чекиниш қилиб туради.
Мультфильм бошида Муфаса ота-онасидан эрта ажралган, адашиб қолган ва ёлғиз жонивор кўринишида намоён бўлади. Аммо у қироллик қони вориси Така исмли шер билан учрашиб қолгандан сўнг барчаси ўзгариб кетади. Тасодифий учрашув ўз тақдирини излаб йўлга чиққан бир гуруҳ шерлар учун ажойиб саёҳатнинг бошланишига сабаб бўлади, — деб ёзиб қолдирилган тизер тавсифида.
Фильм режиссёри Барри Женкинс (“Ой нури”) бўлиб, Муфаса қаҳрамонига Аарон Пьер овоз берган. Шунингдек, дубляжда актёрлардан Мадс Миккельсен (Кирос етакчиси), Дональд Гловер (Симба), Бейонсе (Нала) ва унинг қизи Блу Айви (Kиaра), Сет Роген (Пумба) ва Билли Айкнер (Тимон) иштирок этган.
“Муфаса: Қирол шер” мультфильми премьераси 20 декабрда намойиш этилиши кутилмоқда.
Изоҳ (0)