Россия президенти Владимир Путин 26-27 май кунлари Ўзбекистонга ташриф буюради.
Путиннинг ёрдамчиси Юрий Ушаковнинг маълум қилишича, ташриф давомида қатор ҳужжатлар имзоланиши кўзда тутилган. “Интерфакс” Ушаковнинг 23-24 май кунлари Путиннинг Беларусга ташрифи ҳақидаги сўзларини келтирган.
“Якшанба-душанбада эса Ўзбекистонга”, – деган Ушаков.
Россия президенти ёрдамчиси ташриф давомида қандайдир ҳужжатлар имзоланиши кутиляптими, деган саволга бир нечта ҳужжатлар имзоланиши режалаштирилаётганини маълум қилган.
Маълумот учун, Ўзбекистон ва Россия ўртасидаги товар айирбошлаш ҳажми 2023 йилда 6,6 фоизга ошган.
Шунингдек, 2024 йилнинг январь-апрель ойларида Ўзбекистон ташқи савдо айланмасида юқори улушга эга бўлган ҳамкор давлатлар қаторида Россия етакчилар қаторида – 3,8 млрд доллар.
Изоҳ (0)