“Исроилнинг розилигисиз Фаластинни тан олиш аҳамиятсиз” — АҚШ давлат котиби

Сўнгги кунларда бир қатор Европа мамлакатлари Фаластин давлатини тан олиш режаларини эълон қилди. АҚШ давлат котиби Марко Рубио эса Исроилнинг розилигисиз буни амалга ошириб бўлмаслигини айтди. Бу ҳақда Fox Radio хабар берди.

Рубионинг сўзларига кўра, Европанинг Фаластинни тан олиш ниятлари “акс натижа беради”.

Биринчидан, бу давлатларнинг ҳеч бири Фаластин давлатини тузиш имкониятига эга эмас. Иккинчидан, улар бу давлат қаерда жойлашишини ҳам айта олмайди. Улар бу давлатни ким бошқаришини ҳам айта олмайди, деди Рубио.

Унинг фикрича, Фаластин давлатини тан олиш 2023 йил 7 октябрда Исроилдаги мусиқа фестивалига ҳужум қилиб, одамларни гаровга олган ҲАМАС гуруҳига фойда келтиради.

Агар мен ҲАМАС бўлганимда, шундай дердим: биласизларми, келинг, ўт очишни тўхтатишга рози бўлмайлик. Агар ҲАМАС ўт очишни тўхтатишга рози бўлмаса, бу сентябрь ойида барча мамлакатлар Фаластин давлатини тан олишини кафолатлайди. Шунинг учун улар ўт очишни тўхтатишга рози бўлмайди, дея даъво қилди АҚШ давлат котиби.

Бироқ у Фаластинни тан олиш бошқа давлатларнинг ички иши эканини қайд этди. Аммо бу Ғазо секторида ўт очишни тўхтатишда АҚШга “зарар келтириши”ни айтди.

Улар бу орқали ёрдам бермаяпти, чунки уларнинг баёноти ҲАМАСни рағбатлантириш ва мукофотлашдан бошқа ҳеч нарсани ўзгартирмайди. Энди ҲАМАСнинг дунёда ўт очишни тўхтатишга рози бўлмаслик ва гаровга олинганларни озод қилмаслик учун барча сабаблари бор, дея таъкидлади АҚШ давлат котиби.

Фаластинни тан олмоқчи бўлган давлатлар

Исроилнинг Ғазога ҳужумлари оқибатида ҳалок бўлганлар сони 60 минг кишидан ошди. Сектордаги гуманитар вазият оғирлигича қолмоқда, очарчилик туфайли ҳозиргача 150 дан ортиқ одам вафот этган. Уларнинг аксарияти болалар ҳисобланади. Қатор давлатлар Исроилдан блокадани тўхтатиш, Ғазога гуманитар ёрдам киришини таъминлашни сўраган.

Мазкур чақириқлар фонида Буюк Британия, Канада, Португалия, Франция ва Мали сентябрда БМТ Бош ассамблеяси сессияси бошланишидан олдин Фаластин давлатини тан олишга тайёрлигини айтган. 

Бундан ташқари, яна 10 давлат: Андорра, Австралия, Канада, Исландия, Ирландия, Люксембург, Янги Зеландия, Норвегия, Сан Марино, Словения ва Финляндия ҳам шундай қадам ташлаш ниятида. Дунё бўйлаб 140 дан ортиқ давлат Фаластин давлатини тан олган, Европа Иттифоқининг 27 мамлакатидан 12 таси шундай қарор қилган.

Ўзбекистоннинг позицияси