2026 йилги футбол бўйича Жаҳон чемпионати саралаш босқичининг навбатдаги қисми ортда қолди. Айни пайтга келиб, турнир йўлланмасини қўлга киритган терма жамоалар сони аллақачон 13 тага етди.
Уларнинг 10 таси саралашдан муваффақиятли ўтган бўлса, Канада, Мексика ва АҚШ турнир мезбони сифатида мундиал йўлланмасини қўлга киритган.
2026 йилги Жаҳон чемпионатига ҳозирча йўл олган жамоалар қуйидагилар:
- Канада
- Мексика
- АҚШ
- Япония
- Янги Зеландия
- Эрон
- Аргентина
- Ўзбекистон (илк марта)
- Жанубий Корея
- Иордания (илк марта)
- Австралия
- Бразилия
- Эквадор
Маълумот учун, 2026 йилги мундиалга АҚШ, Канада ва Мексика мамлакатлари биргаликда мезбонлик қилади. Мусобақа 11 июнь куни бошланиб, 19 июль куни якунига етади. Бу 48 та терма жамоа иштирок этган илк мусобақа сифатида тарихда қолади.
Амалдаги Жаҳон чемпиони Аргентина терма жамоаси ҳисобланади. Улар 2022 йил Қатар майдонларида ўтган мусобақа финалида Францияни (3:3, пенальтилар серияси — 4:2) мағлуб этиб, бош совринга эга чиққан.
Эслатиб ўтамиз, Темур Кападзе бошчилигидаги терма жамоа саралаш босқичида муносиб иштирок этиб, 21 очко билан тўғридан тўғри ЖЧ финал босқичига йўлланмани қўлга киритди.
Изоҳ (0)