Ўзбекистон терма жамоаси ноябрь ойида Уругвай терма жамоасига қарши ўртоқлик учрашуви ўтказади. Бу ҳақда Championat.asia нашри хабар бермоқда.
Манбага кўра, Темур Кападзе жамоаси ноябрдаги FIFA кунларида Уругвайга қарши иккита ўртоқлик учрашуви ўтказади. 1930 ва 1950 йилларда Жаҳон чемпиони бўлган Уругвайга қарши беллашувлардан бири Тошкентда бўлиб ўтиши режалаштирилган. Иккинчи ўйин эса Осиё қитъасида ўтказилиши кўзда тутилмоқда.
Аввлароқ Уругвай Футбол Федерацияси президенти Игнасио Алонсо 2025 йилнинг ноябрь ойида Уругвай Россияга қарши ўртоқлик учрашуви ўтказилиши мумкинлигини маълум қилган эди:
Россияга қарши ўйин ноябрь ойида ўтказилиши мумкин. Аммо бу борада якуний қарор қабул қилганимиз йўқ. Олдимизда анча вақт бор, тез орада ўз қароримизни эълон қиламиз, — дейди Алонсо.
Эслатиб ўтамиз, Ўзбекистон миллий жамоаси бунгача Уругвай билан икки бор ўртоқлик учрашуви ўтказган ва ҳар иккала ўйинда ҳам 0:3 ҳисобида мағлуб бўлган. Биринчи учрашув 2018 йилда Монтевидео шаҳрида, иккинчиси эса 2019 йилда Хитойда бўлиб ўтган.
Изоҳ (0)