Россияда ўзини “қайта туғилган” Исо Масиҳ дея даъво қилган сибирлик эркак 12 йилга қамалди. Бу ҳақда Fox News хабар берди.
Сибирлик Сергей Тороп ўз издошларига жисмоний ва молиявий зарар етказганликда айбланмоқда. У ва унинг икки ёрдамчиси ўз издошларидан пул ундириш учун психологик босим ўтказгани айтилмоқда. Тороп ва Владимир Ведерников 12 йилга, Вадим Редкин эса 11 йилга ҳукм қилинган. Учала эркак ҳам 2020 йилда федерал хавфсизлик хизмати томонидан вертолёт иштирокидаги рейдида ҳибсга олинганди.
Сергей собиқ йўл патрул хизмати ходими ҳисобланади. У “диний етакчи” сифатида издошлари томонидан “виссарион”, яъни “янги ҳаёт берувчи” деб аталган.
64 ёшли Тороп 1991 йилда Сибирнинг Красноярск вилояти чекка қисмида “Сўнгги васиятнома” черковини ташкил этган. Тороп Худонинг каломини етказиш учун “қайта туғилганини” даъво қилган. У ўз издошларини гўшт емаслик, чекмаслик, спиртли ичимликлар ичмаслик, ва сўкинмасликка буюриб, пул ишлатишни тўхтатишга чақирган. Терговчиларга кўра, айбланувчилар 16 кишига маънавий ва 6 кишига жисмоний зарар етказган.
Изоҳ (0)