Тошкент вилоятининг Бўстонлиқ тумани профилактика инспектори хотини ва ёшга тўлмаган фарзанди, сўнгра ўзини отиб ўлдирди.
Бош прокуратура ахборот хизмати раҳбари Ҳаёт Шамсутдиновнинг “Дарё”га маълум қилишича, воқеа 6 август куни соат 21:00 ларда Бўстонлиқ туманида профилактика инспектори яшаган хизмат хонадонида содир бўлган.
Бўстонлиқ тумани ИИБ ЖХХ XPБ профилактика инспектори (1996 йилда туғилган) турмуш ўртоғи (1996 йилда туғилган) билан ўрталарида келиб чиққан ўзаро келишмовчилик давомида ўзига бириктирилган “ПМ табел” қуроли билан турмуш ўртоғи ва 2024 йилда туғилган ўғлига ўқ узиб, қасддан ўлдирган.
Шундан сўнг у ўз жиноий қилмишларидан қутулиб қолиш мақсадида “ПМ табел” қуроли билан бошига бир маротаба ўқ узиб, ўз жонига қасд қилган.
Мазкур ҳолат юзасидан Бўстонлиқ тумани прокуратураси томонидан Жиноят кодексининг 97-моддаси (қасддан одам ўлдириш) билан жиноят иши қўзғатилиб, дастлабки тергов ҳаракатлари олиб борилмоқда.
2023 йилда Тошкентда Миллий гвардия қўриқлаш ходими ўзига бириктирилган қурол билан ўзини отиб қўйганди. 2022 йилда Хоразм вилояти Янгиариқ туман ИИБ ходими хизмат қуроли орқали ўз жонига қасд қилганди. Фарғона вилоятининг Тошлоқ тумани профилактика инспектори эса табел қуроли билан ўз бошини жароҳатлаганди.
Изоҳ (0)