Ўзбекистон Суперлигасида 1 июлдан бошлаб ёзги трансфер ойнаси расман очилди. Жиззахнинг “Сўғдиёна” клуби 4 июль куни икки нафар футболчи — Жасур Жалолиддинов ва Сардор Раҳмонов билан шартнома имзолаганини маълум қилди.
Клуб матбуот хизматининг хабарига кўра, ҳар икки футболчи билан 2026 йил охиригача мўлжалланган шартнома тузилган.
Маълумот учун, Жасур Жалолиддинов аввал Озарбайжоннинг “Сумгаит” жамоасида тўп сурган. 25 июнь куни клуб футболчи билан хайрлашганини расман эълон қилган. Шундан сўнг у эркин агент мақомида “Сўғдиёна” сафига қўшилди. Ўтган мавсумда Жалолиддинов “Сумгаит” сафида 18 та учрашувда иштирок этган.
Сардор Раҳмонов эса “ОКМК”дан жиззахликлар сафига ўтди. Жорий мавсумда у “ОКМК” таркибида 8 та ўйинда майдонга тушган.
Эслатиб ўтамиз, Ўзбекистон Суперлигасида ёзги трансфер ойнаси 1 июлдан 30-июга қадар давом этади.
Изоҳ (0)