Олмаотада ўтказилган Олий давлатлараро кенгашнинг биринчи мажлиси якунида икки томонлама ҳужжатларни имзолаш маросими бўлди, деб хабар бермоқда Президент матбуот хизмати.
![](/static/2024/08/08/photo_2024-08-08_15-15-34-LTgdOHVI.jpg)
Маълум қилинишича, Шавкат Мирзиёев ва Қосим-Жўмарт Тўқаев қўшма баёнот ҳамда Олий давлатлараро кенгашнинг 2024—2034 йилларда стратегик шериклик ва иттифоқчилик дастурини тасдиқлаш ҳамда Ташқи ишлар вазирлари кенгашини тузиш тўғрисидаги қарорларини имзолади.
![](/static/2024/08/08/photo_2024-08-08_15-15-28-2KtFgmcB.jpg)
Ташриф доирасида икки томонлама ҳамкорликнинг кенг кўламли масалаларини қамраб олган ҳужжатлар тўплами қабул қилинди.
Булар, жумладан:
- Давлат чегараси режими тўғрисидаги ҳукуматлараро битим;
- Давлат чегараси орқали ўтказиш пунктлари ва халқаро автомобиль қатнови тўғрисидаги ҳукуматлараро битимларга қўшимчалар киритиш тўғрисидаги баённомалар;
- 2024—2025 йилларда маданий-гуманитар ҳамкорлик бўйича ҳукуматлараро тадбирлар режаси;
- Қишлоқ хўжалиги соҳасидаги ҳамкорлик тўғрисида битим;
- Соғлиқни сақлаш соҳасидаги ҳамкорлик тўғрисида битим;
- Иқтисодиёт вазирликлари ўртасидаги ҳамкорлик тўғрисида баённома;
- Табиий монополияларни тартибга солиш ва рақобат сиёсати соҳасидаги ҳамкорлик тўғрисидаги баённомалар;
- Ўзбекистон—Қозоғистон Экспертлар кенгашини таъсис этиш тўғрисида меморандум;
- Ўзбекистон Республикаси Миллатлараро муносабатлар ва дўстлик алоқалари қўмитаси ва Қозоғистон Республикаси Атандастар жамғармаси ўртасида ўзаро англашув тўғрисида битим;
- 2024—2026 йилларда Тошкент шаҳар ҳокимлиги ва Остона шаҳар ҳокимлиги ўртасида савдо-иқтисодий, инвестициявий ва маданий-гуманитар соҳалардаги ҳамкорликни кенгайтириш бўйича амалий ҳаракатлар режаси.
Ҳужжатлар имзоланишидан лавҳалар
![](/static/2024/08/08/photo_2024-08-08_15-15-27-zqDJXyLU.jpg)
![](/static/2024/08/08/photo_2024-08-08_15-15-29-w1Sk5PRx.jpg)
![](/static/2024/08/08/photo_2024-08-08_15-15-30-hA4i3-nN.jpg)
![](/static/2024/08/08/photo_2024-08-08_15-15-31-9EgicaIj.jpg)
![](/static/2024/08/08/photo_2024-08-08_15-15-32-5WkzA2qg.jpg)
![](/static/2024/08/08/photo_2024-08-08_15-15-33-8WVw6syJ.jpg)
Изоҳ (0)