Telegram ижтимоий тармоғида тарқалган йўл-транспорт ҳодисаси юзасидан Андижон вилояти ИИБ Йўл ҳаракати хавфсизлиги бошқармаси маълумот берди.
Қайд этилишича, 10 июль куни соат 23:30 ларда Андижон тумани “Терактаги” МФЙ ҳудудидан ўтган 4Р-112 Фарғона ҳалқа йўли автомобиль йўлининг 154-километрида, ҳайдовчи 28 ёшли У.Ш. ўзининг Tracker русумли транспорт воситасини бошқариб бориш давомида, тезликни меёридан ошириб юбориши оқибатида рул бошқарувини йўқотган ва қатнов қисмидан чиқиб кетиб, зовурга тушиб кетган.
Ҳодиса оқибатида автомашинанинг олди ўриндиғида йўловчи сифатида кетаётган 20 ёшли Т.А. тан жароҳати олиб, шаҳар шифохонасига мурожаат қилган.
Ҳозирда мазкур ҳолат юзасидан Андижон тумани ИИБ ЙҲХГ ходимлари томонидан суриштирув ишлари олиб борилмоқда.
Бир неча кун олдин Самарқанд шаҳрида Nexia-2 Сиёб каналига тушиб кетгани тўғрисида хабар берилганди. Шунингдек, шу йилнинг февралида Наманганда Nexia-2 паромга чиқиш вақтида дарёга тушиб кетган эди.
Изоҳ (0)