Ўзбекистонда энди камбағалликни қисқартириш ва ижтимоий ҳимоя битта, яъни Ижтимоий ҳимоя агентлиги тизимида бўлади. Бу ҳақда 12 июль куни президент раислигидаги йиғилишда маълум қилинди.
Шавкат Мирзиёев камбағалликни қисқартириш бўйича тизимни ўзгартириш зарурлигини айтди.
Давлат раҳбарининг сўзларига кўра, маҳалла еттилигида қандай ишлаш кераклиги бўйича тажриба тўпланди, уларга банк-молия инструментлари билан кўмаклашиш жорий қилинди. Шу билан бирга, тизим кенгайган сари янгича ёндашувга эҳтиёж сезилмоқда.
Эҳтиёжманд аҳоли даромад манбаи билан таъминланмаса, яна ижтимоий ёрдамга қайта-қайта мурожаат этиши кўрсатиб ўтилди. Шу боис энди камбағалликни қисқартириш ва ижтимоий ҳимоя битта, яъни Ижтимоий ҳимоя агентлиги тизимида бўлади.
Изоҳ (0)