Машҳур инсонлар саҳнада ёки жамоатчилик олдида доимо табассум билан юради, аммо шу ташқи жилва ортида мураккаб ҳаёти ва муаммолари яширинади. Ҳатто уларнинг айримлари оилавий зўравонлик ёки жиддий келишмовчилик сабаб ота-оналари билан муносабатни бутунлай узишга мажбур бўлади.
Настася Самбурская
38 ёшли актриса ва телебошловчи Настася Самбурская ота-онаси билан мулоқот қилишни хоҳламаслигини тан олган. Бунинг сабаби болаликдаги травмалардир. Самбурскаянинг сўзларига кўра, болалигида отаси онасининг кўз ўнгида уни урар, она эса уни ҳимоя қилмас эди.
“Мени ургани учун жаҳлим чиқарди. Бир куни кечқурун дўстларим билан кўчага чиқдим, ичмадим, йигитлар билан гаплашмадим, шунда отам уйга қайтганимда мени уришни бошлади. Мен ҳам жим турмадим ва баланд овозда бақирдим, шунда у тўхтади”, деб эслайди Самбурская.
Бейонсе
Бейонсенинг отаси Метю Ноулз қизининг унга бўлган муносабатларини бузишга ҳаракат қилган. У узоқ вақт қизининг менежери бўлиб, Дестинйъс Чилд гуруҳини тарғиб қилган, унда Бейонсе ҳам куйлаган.
Кейинчалик Метю фирибгарлик қилган. У қўшиқчининг пулларининг бир қисмини ўзлаштирган, сўнгра Бейонсе буни билиб, уни ишидан четлатган Сўнгра отаси қизининг шахсий ҳаёти ҳақида ошкора интервьюлар бериб, пул топган. У қизи ёшини яширганини, ортиқча вазн ва депрессия билан курашганини айтган.
Вақт ўтиб Бейонсе отаси билан муносабатларни яхшилашга ҳаракат қилган. Аммо Метю қизи билан мулоқот қилишни истамаган.
Анжелина Жоли
Анжелина Жолининг отаси машҳур актёр ва “Оскар” совриндори Жон Войт. Анжелина болалигида отаси оиласидан ажралиб кетган. Актриса буни ҳеч қачон кечира олмади, отаси эса унга нисбатан ёмон муносабатда бўлган. У кўплаб интервьюларда қизининг руҳий жиҳатдан соғлом эмаслигини, у даволаниши кераклигини айтган. Бунга жавобан Жоли отасини ўз фарзандлари билан алоқадан четлаб қўйди.
Ота ва қиз ўртасидаги муносабатларга уриниш 2017 йилда Бредд Питт ва Анжелина ажрашаётган пайтда юз берди. Войт баъзан қизи билан бирга кўриниб қоларди ва йиллар ўтиши билан унинг қизига бўлган муносабати яхшиланиб бораётгани сезилди. Масалан, у қизини “яхши она” деб атаб, “унинг учун дуо қиламан” деган.
Адел
Қўшиқчи отаси билан бўлган муаммоларини 2017 йилда “Гремми” мукофотини қабул қилиш маросимида айтиб берди. Миннатдорлик нутқида у ўзининг ҳақиқий менежерини отаси каби кўришини айтди.
“Чунки мен ҳақиқий отамни ҳеч қачон яхши кўрмаганман,” деди Адел.
Отаси билан муносабатлардаги муаммолар ёшлигидан бошланган: отаси Адел жуда кичкина бўлганида оиладан кетган. У ичкиликбозлигини тан олиб, бу унинг қизи билан муносабатларига тўсиқ бўлганини айтган.
Отаси Аделнинг шуҳратидан фойдаланган ҳолда, интервьюларда унинг шахсий ҳаёти ва уларнинг биргаликдаги ўтмиши ҳақида гапириб, пул топишга ҳаракат қилган.
Макколей Калкин
“Уйда ёлғиз” фильми юлдузи Макколей Калкин ҳозирда 44 ёш. Актёрнинг отаси билан жанжали 90 йилларнинг ўрталарида юз берган. Ўшанда актёрнинг ота-онаси Кит Калкин ва Патрисия Брентрап ўғлининг маблағларини бошқариш ҳуқуқи учун судга мурожаат қилган.
Калкин тахминан 35 миллион доллар ишлаб топган эди. Унинг актёрлик маҳорати кўп танқидга учраган.
Ниҳоят, актёрнинг онаси турмуш ўртоғини Макколейнинг карьерасини йўқ қилганликда айблади. Отаси студиялардан миллионлаб ҳақ талаб қилган, натижада улар ёш юлдуздан юз ўгирган. Отаси билан жанжал юз берга вақтида Калкин атиги 14 ёшда эди.
Макколей яна қизил гилам устида намойишларда иштирок этади ва бахтли оилавий ҳаёт кечиради. Аммо, олдинроқ у спиртли ичимликка қарамлик ва тақиқланган моддалар билан шуғулланганини тан олган.
Кейт Хадсон
46 ёшли актриса Кейт Хадсон ота-онаси билан муносабатларини узади. 2015 йилда отаси- Билл оммавий равишда ўз фарзандлари — Кейт ва Оливерни “мен учун ўлган” деб эълон қилган. Кейинроқ у қизидан ўз фамилиясини фойдаланмасликни талаб қилган.
Аслида, Кейт ва унинг укаси Оливерни болаликдан уларнинг бобоси актёр Курт Руссел тарбиялаган.
Бир телекўрсатувда Кейт “отасини кечирганини” айтган. Аммо шунга қарамай, у билан қайта мулоқот қилишни истамаган.
Деми Ловато
33 ёшли қўшиқчи ва актриса Деми Ловато отасининг зўравонлиги ва ичкиликбозлиги сабаб оралари бузилганини айтган. Интервьюларда Ловато отасининг спиртли ичимлик таъсирида қаттиқ ғазабланувчи одам эканлигини тан олган.
Қўшиқчининг отаси 2013 йилда саратон касаллигидан вафот этган, лекин уларнинг муносабатлари унинг ўлимигача тикланмаган.
Изоҳ (0)