Қирғизистоннинг Ўзбекистон билан чегарасидаги “Ўтукчу” назорат-ўтказиш пункти вақтинча ёпилди, унинг ўрнига “Апкан” чегара ўтиш жойи ишга тушди. Бу ҳақда Қирғиз Республикаси Миллий хавфсизлик давлат қўмитаси Чегара хизмати маълум қилди.
Маълум қилинишича, кучли сув оқими туфайли Қирғизистоннинг “Ўтукчу” ва Ўзбекистоннинг “Тул” назорат-ўтказиш пунктлари орасидаги кўприк таянч устунлари емирилгани сабабли, Қирғизистон томонидаги назорат-ўтказиш пункти шахслар ва транспорт воситаларининг ўтиши учун вақтинча тўхтатилган.
Қирғизистон—Ўзбекистон чегарасини кесиб ўтмоқчи бўлган фуқаролар ва транспорт воситалари “Апкан” вақтинчалик чегара ўтиш жойига йўналтирилади. Бу чегара ўтиш жойи эрталаб соат 7:00 дан кечки 23:00 гача ишлайди ва фақат Қирғизистон ҳамда Ўзбекистон фуқаролари учун мўлжалланган, дейилади хабарда.
“Апкан” чегара ўтиш жойи Боткен вилоятининг Боткен туманидаги Апкан қишлоғида жойлашган. Туман шимоли-шарқда асосан Сўх эксклави, Ўзбекистон билан чегарадош.
Изоҳ (0)