Netflix стриминг хизмати “Калмар ўйини” шоусининг учинчи — сўнгги мавсумининг биринчи тизерини чиқарди. Машҳур сериалнинг янги қисмларини кутиш учун бир неча ҳафта қолди.
Учинчи мавсум премераси 27 июнь куни бўлиб ўтади. Эслатиб ўтамиз, лойиҳа 2021 йилда экранларга чиққан эди. Асосий ролларда Ли Жон Же, Пак Ҳе Су, О Ен Су, Чон Хо Ен ва бошқалар рол ўйнаган. Режиссёр — Хван Дон Хек.
Эслатиб ўтамиз, илгари “Калмар ўйини”нинг иккинчи мавсуми Netflix рекордини ўрнатган эди. Сериал Netflix етиб борган барча мамлакатларда томоша қилишлар бўйича биринчи ўринни эгаллаган.
“Калмар ўйини” сериалининг иккинчи мавсуми ўтган йилнинг охирида чиққан эди. Гарчи шов-шувли лойиҳанинг давоми танқидчиларнинг турлича фикрларига сабаб бўлган бўлса-да, бу унга 2024 йилнинг энг кўп томоша қилинган сериали бўлишга тўсқинлик қилмади.
Изоҳ (0)