Жорий йилнинг 1 ноябридан бошлаб табиий газнинг ижтимоий норма миқдори 100 метр кубдан 500 метр кубгача оширилади. Бу ҳақда “Ҳудудгазтаъминот” АЖ ахборот хизмати хабар бермоқда.
Маълум қилинишича, ноябрь ойининг биринчи кунидан ойлик базавий меъёрлар иситиш мавсуми учун мўлжалланган шкалага ўтади.
Ноябрь, декабрь, январь ва февраль ойларида бир ойлик меъёрлар қуйидаги тартибда бўлади:
- 500 м3 гача — 650 сўм (1 м3 газ учун);
- 501 м3 дан 2500 м3 гача — 1500 сўм;
- 2501 м3 дан 5000 м3 гача — 1950 сўм;
- 5001 м3 дан 10000 м3 гача — 2275 сўм;
- 10001 м3 ва ундан юқори — 2600 сўм.
Аввалроқ “Ҳудудгазтаъминот” АЖ истеъмолчилардан вақти-вақти билан газ ҳисоблагич ва шахсий кабинетдаги кўрсаткичларни ўзаро солиштиришни тавсия қилган эди.
Изоҳ (0)