Украина раҳбари сентябрь ойида АҚШ президенти Жо Байденга Россия билан урушнинг янги режасини кўрсатмоқчи эканлигини ҳамда уни президентликка номзодлар Дональд Трамп ва Камала Ҳаррисга етказишни тўғри деб билишини айтди.
Унинг сўзларига кўра, Киевда “Украина учун ғалаба режаси” мавжуд.
“Мен тафсилотларни очиқламайман, режа тайёр. Менимча, бу режани биринчи навбатда АҚШ президентига тақдим қилсам адолатли бўларди. Мазкур режанинг муваффақияти, улар бизга режадаги нарсани берадими ёки йўқми, биз ушбу режадаги нарсаларни ишлатишда эркин бўламизми ёки йўқми президентга боғлиқ”, дейди Зеленский Бутун Украина телемарафонида эфирга узатилган матбуот анжуманида.
Аввалроқ Россия президенти Владимир Путин Украинадаги можарони тинч йўл билан ҳал қилиш ташаббуси билан чиққанди. Унга кўра, Украина қўшинлари Россиянинг янги ҳудудидан олиб чиқиб кетилганидан кейин Москва зудлик билан ўт очишни тўхтатади ва музокараларга тайёрлигини эълон қилади.
“Бундан ташқари, Киев НАТОга қўшилиш ва демилитаризация ва денацификацияни амалга ошириш ниятидан воз кечишини эълон қилиши, шунингдек, нейтрал, қўшилмаслик ва ядросиз мақомни қабул қилиши керак”, дея қўшимча қилган Путин.
Россия раҳбари, шунингдек, Россияга қарши санкциялар бекор қилинишини талаб қилган.
Украина армиясининг Курск вилоятига қилган ҳужумидан сўнг Путин “тинч аҳолига, фуқаролик инфратузилмасига зарбалар берган ёки атом энергетикаси объектларига таҳдид яратишга уринаётганлар билан музокаралар олиб боришнинг иложи йўқ”лигини айтган.
Изоҳ (0)