“Толибон” олий таълим вазири Неда Муҳаммад Надим тегишли буйруқ чиққунга қадар қизлар таълими ҳақида “сўраш” тақиқланганини айтди. Бу ҳақда Hasht-e Subh Daily хабар берди.
![](/static/2024/08/25/photo_2024-08-25_18-33-31-wejlrPY4.jpg)
Надим “Толибон” ҳаракатнинг ҳеч бир буйруғи шариатга зид эмаслиги, университетлар ва 6-синфдан юқори қизлар учун мактабларнинг очилиши бир неча ҳафта ёки ой ичида ҳал қилинмаслигини таъкидлаган. У қизлар таълими масаласи бўйича диний уламолар изланиш олиб бораётганини айтган. Агар диний уламолар ижобий хулоса берса, қизлар учун мактаблар ва университетлар эшиклари очилади.
“Биз шариатга мувофиқ иш қилмоқдамиз. Агар кимдир ҳанафий фиқҳига асосланиб, қизлар таълими бўйича бизга ҳужжатларни тақдим этса, бу масала ҳал бўлишига аминман”, деган у.
Надимнинг сўзларига кўра, агар диний уламолар ўрганишлардан кейин мактаб ва университетларни очишга рухсат бермаса, қизлар таълимдан маҳрум бўлиши давом этади.
Маълумот ўрнида, “Толибон” Афғонистонда ҳокимиятни қўлга олгандан сўнг, 6-синфдан юқори қизлар учун мактаблар ва университетлар эшиклари ёпилди.
Изоҳ (0)