Жаҳон банки янги прогнозларига кўра, Ўзбекистон иқтисодиёти 2024 йилда 5,3 фоизга, 2025 йилда 5,5 фоизга, 2026 йилда эса 5,7 фоизга ўсади.
Аввалроқ 2024 йилда бу кўрсаткич 5,5 фоиз бўлиши прогноз қилинганди. Шунга қарамай, Жаҳон банки 2024 йилда жаҳон иқтисодиёти 2,6 фоизга (илгари 2,4 фоиз бўлиши кутилган эди) ва 2025—2026 йилларда 2,7 фоизгача ўсишини башорат қилмоқда. Бу COVID-19 пандемиясидан олдинги ўртача 3,1 фоиздан паст.
Ривожланаётган мамлакатлар учун ялпи ички маҳсулотнинг ўртача йиллик ўсиши 2024—2025 йилларда 4 фоиз бўлиши кутилмоқда. Бу ўтган йилги даражадан бир оз паст. Кам даромадли мамлакатларда ўсиш 2023 йилдаги 3,8 фоиздан бу йил 5 фоизгача тезлашади,
2024 йилда глобал инфляция 3,5 фоизгача, 2025 йилда эса 2,9 фоизгача пасаяди. Аммо банк ҳисоботида қайд этилишича, бу пасайиш олти ой олдин кутилганидек сезиларли эмас.
Изоҳ (0)