Фарғона вилоятида Корея давлатига ўқишга ва ишга юборишни ваъда қилган фирибгар ушланди. Бу ҳақда Прокуратура департаменти хабар берди.
Маълум қилинишича, ҳолат Бош прокуратура ҳузуридаги департаментнинг Марғилон шаҳар бўлими томонидан ДХХ ходимлари билан ҳамкорликда ўтказилган тезкор тадбирда аниқланган. Фуқаро А.Х. фуқаро М.Э.нинг ишончига кириб, унинг фарзандини 10 000 АҚШ доллари эвазига Корея давлатига ўқишга ва ишга юборишини ваъда қилиб, олдиндан 3 000 АҚШ долларини олган вақтида ашёвий далиллар билан ушланган.
Мазкур ҳолат юзасидан Жиноят кодексининг 168-моддаси (фирибгарлик) билан жиноят иши қўзғатилиб, тергов ҳаракатлари ўтказилмоқда.
Изоҳ (0)