Германия канцлери Олаф Шольц мамлакатда яшаб қолмоқчи бўлган украиналик қочқинлар ишлашга рози бўлиши кераклигини айтди. Бу ҳақда Билд хабар берди.
Германияда иш топган украиналик қочқинларнинг улуши жуда паст — тахминан 25 фоиз. Таққослаш учун Данияда Украинадан келган қочқинларнинг 77 фоизи ишлайди.
Германияда ишлайдиган ва ҳеч қандай номақбул иш қилмаган ҳар бир шахс мамлакатда қолиши мумкинлигига ишончи комил. Ишга жойлашганлик яшаш хавфсизлигини таъминлайди, — деди у.
Бундан ташқари, канцлер Германиядан нафақа олувчи украиналик қочқинлар сони вақт ўтиши билан камайишига умид билдирди.
Интеграция курслари ва тил курслари учун пул тўладик. Шунинг учун кўпчиликни иш топишга ундамоқчимиз. Германия меҳнат бозори зудлик билан юз минглаб қўлга муҳтож, — дея қўшимча қилди Шольц.
Ҳозирда Европа мамлакатлари украиналик қочқинларни ватанига ҳарбий хизмат ўташи учун қайтаришни муҳокама қилмоқда. Вариантлардан бири ҳарбий ёшдаги барча эркак қочқинларни қўллаб-қувватлашни тўхтатишдир.
Германия энг кўп украиналик қочқинларни (1,1 миллион) қабул қилган давлат саналади ва уларнинг аксарияти мамлакатда қолишни истайди. Шу сабабли Германиянинг позицияси ҳал қилувчи омил ҳисобланади. Ҳозирги шароитда украиналик қочқинлар учун вақтинчалик ҳимоя 2025 йил 4 мартда тугайди.
Изоҳ (0)