Никарагуа БМТнинг олий судидан Германияда ишлаб чиқарилган қуролларни Исроилга сотишни тўхтатишни сўради. Бу ҳақда BBC хабар берди.
2023 йилда Исроил учун умумий қиймати 300 миллион еврога тенг ҳарбий техника харидининг 30 фоизи Германиядан келган. Бу бир йил олдингига нисбатан 10 баробар кўп.
Маълум бўлишича, Берлин Исроилга ҳарбий техника жўнатиб, геноциднинг олдини олиш бўйича БМТ конвенцияларини бузганликда ва UNRWAга ёрдамни тўхтатганликда айбланмоқда.
Германия ўзига қўйилган айбловларни рад этган ва 9 апрель куни Халқаро судда ўз ҳимоясини тақдим этиш ниятида.
Никарагуага кўра, Германиянинг Қуддусга қурол сотиши уни Исроил уруш жиноятларига шерик қилиб қўйган. Никарагуа Берлиндан қурол савдосини тўхтатиш ва UNRWAни молиялаштиришни тиклашни талаб қилмоқда.
Аввалроқ бир гуруҳ давлат хизматчилари канцлерга мактуб йўллаб, ҳукуматни Исроил ҳукуматига қурол етказиб беришни зудлик билан тўхтатишга чақирган.
Изоҳ (0)