Туркия хавфсизлик кучлари 14 май куни мамлакат бўйлаб уюштирилган рейдларда ИШИД ташкилотига алоқадорликда гумонланган 44 нафар фуқарони ҳибсга олди. Бу ҳақда Туркия Миллий мудофаа вазирлиги баёнотига асосланиб, Anadolu нашри хабар берди.
Манбада айтилишича, гумондорларнинг кўпчилиги Туркия жануби-шарқидаги Шонлиурфа ва марказий Кўния вилоятларида қўлга олинган. Расмийлар уларнинг ИШИД билан алоқаларини ўрганмоқда.
14 май куни мамлакатнинг бир неча вилоятларида рейдлар давом этган. Хавфсизлик хизматлари олдиндан қўлларида бўлган асос ва маълумотларга таяниб, фуқароларни ҳибсга олишни давом эттирган.
ИШИД (Ироқ ва Шом Ислом Давлати) 2013 йилда Туркия томонидан террорчи тузилма деб тан олинган. Анқара ҳукумати ИШИДга нисбатан бундай муносабат билдирган илк мамлакатлардан бири ҳисобланади.
ИШИД гуруҳи ҳозирга қадар Туркия ҳудудида камида 10 та худкушлик ҳужуми содир этгани айтилади. Расмийлар ,шунингдек, 7 та бомбали ҳужум ва тўртта қуролли ҳужумда ҳам ИШИДни айблаб келади. Террорчи гуруҳ уюштирган терактларда жами 300 нафардан ортиқ одам ҳалок бўлгани ва юзлаб одамлар яралангани таъкидланади.
Изоҳ (0)