Ушбу ҳафтанинг биринчи ярмида Ўзбекистон ҳудудининг катта қисмида қуруқ ва илиқ об-ҳаво бўлиши кутилмоқда, деб хабар берди “Ўзгидромет”.
Ҳаво ҳарорати кундан кунга кўтарила бошлайди ва ҳафтанинг ўртасига келиб 33-36 даражага етади, жанубда ва чўл ҳудудларда 38 даражагача иссиқ бўлади.
14 майдан бошлаб фақат республиканинг шимоли-ғарбий ҳудудлари Каспий денгизидан кириб келган нам ҳаво таъсири остида бўлади. 14—15 май кунлари Қорақалпоғистон Республикаси, Хоразм вилоятида ва Навоий вилоятининг шимолида баъзи жойларда қисқа муддатли ёмғир ёғади, момақалдироқ бўлади.
Ҳафтанинг иккинчи ярмида нам ҳаво массалари шарққа қараб тарқаларди ва республиканинг айрим жойларида момақалдироқ билан қисқа муддатли ёмғир ёғади. Ҳаво ҳарорати 25-30 даражагача пасаяди.
Республика бўйича баъзи жойларда шамол тезлиги 15-20 метр/секундгача кучайиши, айрим жойларда чанг-тўзон билан кузатилиши мумкин.
Изоҳ (0)